Македонскиот џудо клуб Дрим Струга учествуваше на меѓународниот натпревар „Дробета Турно Северен“ што се организираше во Романија.

Настапија над 300 натпреварувачи од повеќе земји, а на овој настан имаше и џудисти од Дрим Струга кои уште еднаш покажаа дека со напорна работа, дисциплина и верба во себе можат да се постигнат големи успеси и дека Струга има светла спортска иднина за градот и за Македонија.

Прво место во категоријата -66 килограми освои Енил Ајдоноски, сребрени медали имаат Даријан Ночески (-38 кг.) и Софија Ноческа (-44 кг.), а бронза Ненад Костоски (-38 кг.)

Од клубот информираат дека одлични борби прикажаа и Мила Стојмиловска, Славјан Чаторошкоски и Божидар Јуловски, но не успеаја да се закитат со медал.