Актерот Џон Траволта ќе го претстави своето долгоочекувано режисерско деби „Propeller One-Way Night Coach“ на 79. Кански филмски фестивал.

Оригиналниот филм на Епл е адаптација на детската книга на Траволта објавена во 1997 година. Филмот ќе биде прикажан вон конкуренција на премиерата во Кан во театарот „Дебиси“ пред неговата глобална премиера на Епл ТВ на 29 мај.

Неговото присуство на фестивалот ќе внесе допир на холивудски гламур во потивка година за филмските студија. Изборот на филмот, исто така, истакнува дека главните стриминг услуги, со исклучок на Нетфликс се подготвени да ги почитуваат правилата на Канскиот филмски фестивал и да прикажуваат филмови надвор од конкуренција доколку не планираат локална кино дистрибуција.

Проектот на Траволта го враќа во Кроазета, каде што претходно се појави како актер во филмовите „Pulp Fiction“, „She’s So Lovely“ и „Primary Colors“.

Познатиот актер, чија филмографија вклучува повеќе од 70 филмови, го имал овој проект на ум со децении. Во најавата за филмот, Кан истакна дека Траволта е искусен професионален пилот и долгогодишен љубител на авијацијата.

Почнал да лета кога имал само 15 години, ја добил својата прва пилотска дозвола кога имал 22 години, а оттогаш се стекнал со бројни сертификати.  Со повеќе од 9.000 часа лет, актерот поседувал и неколку авиони низ годините, па дури и летал со авиони во два филма.

Сместен во златното доба на авијацијата,филмот го следи младиот ентузијаст за авиони Џеф (Кларк Шотвел) и неговата мајка (Кели Евистон-Квинет) додека се впуштаат во еднонасочно патување низ земјата до Холивуд.

Филмот е продуциран од компанијата на Траволта, тој е продуцент заедно со Џејсон Бергер и Ејми Ласлет.

Нов судски скандал го тресе Холивуд: Фамилијата Присли ѝ дала јајце-клетки на Кели Престон за да добие дете со Џон Траволта