Џесика Симпсон ослабе 45 килограми: Конечно пролетните празници ги поминувам во бикини
Актерката и пејачка Џесика Симпсон (41) на Инстаграм објави фотографија во бикини и се пофали дека повторно ослабела 45 килограми. Таа откри дека ова и е третпат како слабее толку многу, но и дека сега се чувствува подобро од било кога.
-Три пати ослабев и вратив 45 килограми па мислев дека овој момент никогаш нема да се случи, но пролетните празници конечно ги поминувам во бикини. Напорна работа, одлучност и самопочит. Плачев од среќа – напиша Џесика.
По бременоста и породувањето таа многу се здебели, а потоа ослабе, а судејќи по новата фотографија што ја објави Симпсон, таа е целосно посветена на исхраната и режимот на вежбање.
Да се потсетиме, Џесика во ноември минатата година сподели фотографија од речиси непрепознатлива личност која седи во затемнета просторија облечена во розeва тренерка.
– Оваа личност рано наутро на 1 ноември 2017 година е непрепознатливата верзија од мене. Во овој момент знам дека требаше да си дозволам да ја вратам светлината, да покажам победа над мојата внатрешна битка за самопочит и да го охрабрам овој свет со продорна јасност – напиша Џесика во описот под фотографијата на која изгледа како друга личност.