Џенаро Гатузо си заминува по дебаклот: Двајца кандидати за клупата на Италија
Селекторот на фудбалската репрезентација на Италија, Џенаро Гатузо, ќе ја напушти својата позиција по дебаклот во плејофот за Светското првенство, објавуваат италијанските медиуми.
Препорачано
Како што е објавено, неуспехот против Босна и Херцеговина беше одлучувачки за прекин на соработката, иако Гатузо имаше важечки договор со опција за продолжување во случај на пласман за Светското првенство. Таа цел не беше постигната, па затоа е јасно дека разделбата ќе се спроведе без дополнителни компликации, особено затоа што јавноста бара итна промена.
Заедно со селекторот, репрезентацијата ќе ја напушти и Џанлуиџи Буфон, кој е шеф на делегацијата од август 2023 година. Тој во тоа време го поддржа изборот на Гатузо, а нивното заминување ќе означи почеток на нова фаза во работата на федерацијата.
Италијанските медиуми истакнуваат дека во моментов во преден план за селекторската позиција се двајца кандидати, тоа се Антонио Конте и Масимилијано Алегри.
🚨🇮🇹 Gennaro Gattuso, expected to leave his job as Italy national team head coach.
Follows missed Word Cup qualification after defeat against Bosnia. pic.twitter.com/XyJpVndxg2
— Fabrizio Romano (@FabrizioRomano) April 2, 2026
🚨🚨| Gennaro Gattuso will LEAVE his role as Italy Head Coach!
The leading contenders to potentially replace him are Antonio Conte and Massimiliano Allegri.
[@DiMarzio] pic.twitter.com/jD2TXeN7uk
— Attacking Football (@AttackingFooty) April 2, 2026
Конте го предводи Наполи, а за време на тренерската кариера веќе беше на клупата на италијанската репрезентација од 2014 до 2016 година, кога замина откако беше елиминиран од Германија во четвртфиналето на Европското првенство по изведување на пенали. Бидејќи сè повеќе се зборува за заминување на Конте од Наполи, оваа опција изгледа доста реална.
Од друга страна, ситуацијата на Алегри на клупата на Милан е релативно стабилна, иако таквата можност не треба да се исклучува, бидејќи искусниот италијански стручњак влегува во своите постари години (оваа година полни 59 години), па позицијата тренер би била круна на одлична тренерска кариера.
Гаѕета дело Спорт наведува дека двајцата тренери би биле отворени за ангажман во репрезентацијата, доколку им се дадат јасни гаранции за долгорочен проект и стабилност во нивната работа. Конечната одлука за новиот селектор се очекува по веќе виденото разрешување на раководството на Италијанската фудбалска федерација.
