Бракот меѓу актерката Џесика Бил и пејачот Џастин Тимберлејк повторно е актуелна тема, откако странските медиуми објавија дека таа му поставила јасен ултиматум.

Според извори блиски до парот, Бил повеќе не е подготвена да толерира одредени постапки на својот сопруг, особено по инцидентот од 2024 година, кога Тимберлејк беше уапсен поради возење под дејство на алкохол.

Дополнително, вниманието го привлече и неговото неодамнешно појавување на турнир во Лас Вегас, каде, според сведоци, делувал видно опуштено и под дејство на алкохол.

„Ако повторно направи грешка, таа ќе повлече линија“, наведуваат изворите, додавајќи дека актерката е исцрпена од јавниот притисок и честите скандали.

Се тврди и дека пејачот ретко е дома, и покрај тоа што ја заврши светската турнеја, додека Бил најголемиот дел од времето го поминува грижејќи се за нивните деца.

Од друга страна, други извори за медиумите посочуваат дека ситуацијата не е толку драматична и дека парот работи на својот однос.

„Имале подеми и падови како и секој пар, но моментално поминуваат низ потежок период“, велат тие.

Бил и Тимберлејк се во брак од 2012 година и имаат два сина. Нивната врска и во минатото беше под лупа на јавноста, особено по гласините за неверство во 2019 година.

Иако двојката не ги коментира директно последните шпекулации, јасно е дека зголеменото медиумско внимание и приватните предизвици оставаат трага врз нивниот однос.

Џастин Тимберлејк бара забрана за објавување на снимката од апсењето поради возење под дејство на алкохол