Вреди не ги претставува Албанците. Вреди денес ги претставува оправдувањата на тие што сакаат да го потчинат албанскиот јазик , порача ДУИ.

-Откако студентите по право ги разобличија со протест, откако јавноста ја виде нивната немоќ во Владата, сега излегоа со нова измама: се обидуваат вината да ја префрлат во минатото, само за да го сокријат сопственото предавање во сегашноста. Да разјасниме. Во тој закон воопшто не постои одредба за јазикот. Нема забрана за албанскиот. Нема уредување ни за македонскиот. Нема никаква јазична клаузула. Значи, свесно ја лажат јавноста – велат од ДУИ.

Од партијата додаваат дека Законот за употреба на јазиците ова прашање јасно го уредува. Член 23, параграф 5, предвидува дека ако другите закони не се усогласат во законскиот рок, предност имаат одредбите одзаконот за јазиците.

-Тоа значи дека правната основа постои, правото постои, обврската постои. Она што не постои е политичкиот достоинство на Вреди. Наместо да бараат спроведување на законот, тие бараат оправдувања. Наместо да ги бранат албанските студенти, тие го бранат Министерството што им го ускратува правото. Наместо да се соочат со неправдата, тие ги напаѓаат тие што го кренаа гласот. Ова е нивното вистинско лице: албански декор во Владата, функција против албанскиот интерес – велаат од ДУИ.

Според партијата, не се тестираат студентите на правосудниот испит туку се тестира Вреди и таа падна. Паднаа на испитот за достоинство,
паднаа на испитот за претставување и на на испитот за албанскиот јазик.