Државниот инспекторат откри медицински отпад фрлен во контејнери од Синлаб - Слободен печат
ВестиМакедонија

Државниот инспекторат откри медицински отпад фрлен во контејнери од Синлаб

За наведеното инспекторатите располагаат и со дополнителен доказен материјал.

При вонреден инспекциски надзор по пријава на граѓани Инспекторатот на град Скопје и Државниот санитарен и здравствен инспекторат, на 20 и 21 овој месец во два наврати евидентирале поголеми количини на медицински отпад одложен во контејнери наменети за комунален отпад во сопственост на ЈП Комунална хигиена поставени на булеварот „Македонија”, во непосредна близина на ПЗУ „Синлаб”.

– Наведената состојба е констатирана на записник согласно законските надлежности кои произлегуваат од Законот за управување со отпад и во текот на утрешниот ден тој ќе биде доставен до правниот субјект кој го прекршил законот, информираат од ДСЗИ и Инспекторатот на град Скопје.

За наведеното инспекторатите располагаат и со дополнителен доказен материјал.

Со цел спречување на поголем инцидент, се наведува во соопштението, повикана е фирма лиценцирана  за управување со медицински отпад од страна на која медицинскиот отпад од комуналните контејнери е адекватно отстранет, а по налог на Државниот санитарен и здравствен инспектор, контејнерите се дезинфицирани.

– Во врска со констатираната фактичка состојба од страна на инспекторатите во текот на утрешниот ден ќе продолжат соодветни инспекциски постапки согласно законските надлежности – се наведува во соопштението.

Државниот санитарен и здравствен инспекторат и Инспекторатот на градот Скопје, апелираат до граѓаните доколку забележат одлагање на медицински отпад во контејнери за комунален, да ги известат овие две институции со цел заштита на здравјето на населението.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close