Во осмиот натпревар од квалификациите за пласман на Европското првенство 2020 година, вечерва на гостински терен македонската најдобра репрезентација загуби со 2:0 од селекцијата на Полска.

Со овие три бода Полјаците и дефинитивно обезбедија настап на континенталниот собир, денеска пред 50.000 илјади гледачи со головите на Франковски во 74 и Милик во 80 минута, Левандовски двапати асистент, славеа против нашата селекција.

https://twitter.com/OwskiMateusz/status/1183478694729408513

Полска воглавно го диктираше темпото, со поголема контрола на топката, повеќе шанси, триумфот можеше да биде уште повисок, доколку не погодеа една пречка во првото, и една статива во текот на второто полувреме.

Избраниците на селекторот Игор Ангеловски многу тешко доаѓаа и воопшто да го загрозат голот на Шчесни. Една убава шанса имаше Алиоски од слободен удар, испрати еден „проектил“, но одлично одбрани полскиот чувар на мрежата.

Во групата „Г“ сега ни се драстично намалени шансите за ЕП 2020, особено што во Љубљана, Австрија славеше со 0:1 кај Словенија.

QUELLE BELLE FRAPPE DE MILIK !! #POLMAC

POLOGNE ?? 2-0 ?? MACÉDOINE https://t.co/XLdCT6g5Ek

— Feuille de Match (@feuille_match) October 13, 2019

Сега во нашата група Полска води со 19 бодови, Австрија има 16 и е на чекор од учество на ЕП, а само математички сеуште имаат шанса Македонија и Словенија да се борат за второто место, моментно имаат по 11.

Во последните две кола, на 16 ноември Австрија ќе ја пречека Македонија во Виена, а на 19 ноември нашата селекција е домаќин на Израел, а Австрија гостува кај Летонија.

Значи, Македонија ќе мора да оди на две победи, а Австрија прво загуби од нас, а потоа и од Летонците. Секако зборуваме за шансите преку овие редовни квалификации, а да не заборавиме имаме уште една шанса, можеби и пореалната, преку „Лигата на нации“ каде што ни се потребни уште две победи.