Руски воен суд денеска осуди четворица Таџикистанци и 11 соучесници на доживотен затвор за нивна вмешаност во смртоносниот напад пред две години во концертната сала „Крокус Сити Хол“ во близина на Москва, во кој загинаа 150 лица, а повеќе од 600 беа повредени, објави руската државна новинска агенција ТАСС.

Обвинителите подигнаа обвинение против 19 лица во врска со најсмртоносниот напад во Русија во последните две децении. Исламска држава во покраината Хорасан (ИСИС-К) ја презеде одговорноста за нападот.

На другите четворица обвинети им беа изречени затворски казни од 19 до 22 години, објави руската државна новинска агенција РИА.

Не беше веднаш јасно дали обвинетите се изјасниле за невини или за виновни, или дали ќе поднесат жалба. Судењето се одржа зад затворени врати, вообичаена практика во Русија за вакви случаи.

ИСИС-К е авганистанскиот огранок на групата Исламска држава, која некогаш се обидуваше да ја преземе контролата врз делови од Ирак и Сирија. Таа е поврзана со неколку други планирани напади во јужна Русија и Азербејџан во последниве години, тренд што ги вознемири разузнавачките агенции.

На 22 март 2024 година, вооружени лица упаднаа во концертната сала и отворија оган врз толпата пред да ја запалат зградата, заробувајќи многу луѓе внатре.

Москва, која веќе беше вклучена во двегодишна војна со Украина, го обвини Киев за вмешаност во нападот, но никогаш не ги потврди своите обвинувања. Украинските власти негираа каква било одговорност.

По нападот, Русија ги заостри своите антиимиграциски закони и реторика, и покрај фактот дека голем број државјани од Централна Азија живеат и работат во земјата. Оваа промена доведе до тензии меѓу Москва и земјите во регионот.

За крвавиот масакр во Крокус, на терористите им биле ветени 500 илјади рубљи, кој стои зад ова злосторството ИСИС или Украина?