Дортмунд пукна „стотка“, потпиша и Јулијан Бранд
Од претходно знаеме дека Торган Азар е новиот „милионер“ на Вестфален, денеска беше промовирано уште едно засилување.
Многу порано од предвиденото спортскиот директор на Дортмунд, Михаел Цорк ќе го заврши „шопингот“. Нов играч е Јулијан Бранд кој за 25 милиони евра доаѓа од редовите на Баер Леверкузен.
Бранд потпиша договор кој ќе трае до 30 јуни 2024 година, за својот досегашен клуб имаше учинок од 165 одиграни натпревари и 34 голови.
? Folgt ihr schon @JulianBrandt? ?
? #WirHabenBRANDT ? pic.twitter.com/YjStrr8Xuz
— Borussia Dortmund (@BVB) May 22, 2019
По 30 милиони евра за левиот бек Шулц од Хофенхајм и напаѓачот Азар од Борусија Менхенгладбах, ако на тоа додадеме и дека од 1 јули на сила стапува откупот на Пако Алкасер од Барселона за 21 милион евра, јасно е дека Борусија ова лето веќе потроши над 100 милиони евра на нови играчи.
После Пулишиќ кој направи трансфер во Челзи, се очекува во текот на летниот период Дортмунд да го напуштат и Макс Филип, Џереми Толјан, Марсел Шмелцер, Омер Топрак, Андре Ширле, Шинџи Кагава, Себастијан Роде и Џениз Бурниќ.