Дориев: Има доста интерес, но нема уште конкретно!
Не сме задоволни од прикажаните резултати сезонава. Се случи тоа што се случи, пред сè е здравјето, вели играчот на „пандевци“.
Играчот на прволигашкиот фудбалски клуб Академија Пандев, Љупчо Дориев зборуваше за својот актуелен статус и досегашните игри сезонава.
„Пандевци“ имаа добар почеток во шампионатот, но од ноември до почетокот на март годинава резултатите не беа најдобри.
До официјалниот прекин на фудбалската сезона поради пандемијата на коронавирус, екипата се наоѓаше на седмото место во генералниот пласман.
– Па, добро, нормално дека не сме задоволни од прикажаните резултати сезонава, но се надевавме дека првенството ќе продолжи и бевме максимално мотивирани за претстојните шест натпревари, но се случи тоа што се случи, пред сè е здравјето – ни изјави Дориев.
Во тек е преодниот рок, има интерес за потписот на Дориев кој лани со клубот го освои Купот на Македонија, а воедно досега неколку пати е повикан во составот на нашата најдобра репрезентација.
– Има доста интерес, работиме на тоа, но нема уште конкретно. Кога ќе има, ќе биде информирана јавноста – додаде играчот на ФК Академија Пандев.