Повратникот во македонската репрезентација, Љупче Дориев, постигна два гола за узбекистанскиот прволигаш Согдиана, но неговиот тим на крајот загуби на домашен терен во прсметката со Бунјодкор (2-3).

Македонецот стрелаше уште во 4. минута, а во 26. минута повторно реагираше одлично и на својата екипа ѝ донесе водство со 2-0. Тоа сепак, не беше доволно за освојување на трите бода. Гостите намалија до крајот на првото полувреме, а во вториот дел направија целосен пресврт за победа. Херој за Бунјодкор беше Тошмирзаев, кој ги постигна сите три гола.

Дориев со ова стигна до пет гола во осум натпревари сезонава во Суперлигата на Узбекистан. Неговиот тим остана на пет бодови по осум рунди и е на претпоследното место на табелата.

Македонија во изменет состав против Ирска: Трајковски и Миовски се повлекле, отпадна и Атанасов