Демократијата често се користи како оружје низ целиот свет, и против нас и против другите, рече Доналд Трамп Јуниор, најстариот син на американскиот претседател, на денешната панел-дискусија во Бански двор во Бања Лука, објавија босанските медиуми.

Осврнувајќи се на ситуацијата во Европската Унија, Доналд Трамп Јуниор изјави:

„Присуствував на бројни бизнис конференции низ целиот свет, со водечки луѓе од финансискиот сектор. Еден коментар што постојано го слушав беше: Европската Унија е катастрофа. Американските банкари, моќните луѓе на Блискиот Исток, особено оние што работат во деловниот свет на секој панел велат дека ЕУ е катастрофа. Но, тоа е катастрофа што треба да се поправи“, рече тој.

Зборувајќи за изборите во Унгарија, тој истакна дека унгарскиот премиер Виктор Орбан е вистински борец.

„Она што се случува во Унгарија во моментов е многу важно. Виктор Орбан е навистина вистински борец за западните вредности и е наш пријател“, нагласи Трамп Јуниор.

Доналд Трамп Јуниор утре доаѓа во Бања Лука