Доминик Ливаковиќ во текот на денешниот ден се очекува и официјално да биде промовиран како нов голман на Фенербахче.

После долги преговори, турскиот клуб ги договори сите детали со хрватскиот шампион Динамо Загреб, а тоа го објави и на своите социјалните мрежи.

– Постигнавме договор околу трансферот на Доминик Ливаковиќ и со играчот и со Динамо. Тој денеска ќе дојде во Истанбул на лекарски прегледи и дополнителни преговори околу трансферот – пишува во соопштението на Фенербахче.

Според информациите кои ги објави турскиот новинар Јагиз Сабунџуоглу, Ливаковиќ треба да слета во Истанбул околу 13.30 часот, а неговиот нов клуб испратил приватен авион.

Турците треба да му платат на Динамо девет милиони евра, додека „модрите“ би можеле да добијат уште еден милион како бонус. Ливаковиќ е во Фенербахче на местото на Алтај Бајиндир, кој се сели во Манчестер јунајтед.

Bilgilendirme

Kulübümüz, profesyonel futbolcu Dominik Livakovic’in transferi konusunda futbolcu ve kulübü Dinamo Zagreb ile prensip anlaşmasına varmıştır.

Futbolcu sağlık kontrollerinden geçmek ve ileri transfer görüşmeleri için bugün İstanbul'a gelecektir.

Kamuoyunun… pic.twitter.com/6155aekozG

— Fenerbahçe SK (@Fenerbahce) August 24, 2023