Док Риверс експресно си најде нова работа, ќе биде тренер на Филалдефија
Американските медиуми тврдат дека Риверс ќе биде новиот тренер на Филаделфија сиксерс со која ќе потпише петгодишен договор.
Док Риверс по седумгодишна работа во Лос Анџелес клиперс, Док Риверс се враќа во Источната конференција.
Поранешниот тренер на Орландо меџик, Бостон селтикс и на ЛА клиперс, во новата сезона ќе биде тренер на Филаделфија сиксерс објавија американските медиуми.
After a rapid courtship and negotiation, Doc Rivers has reached agreement on a deal to become the next coach of the Philadelphia 76ers, sources tell ESPN.
— Adrian Wojnarowski (@wojespn) October 1, 2020
Двете страни многу брзо се договорија за соработка по што Риверс само три по отказот од Клиперс си најде нова работа.
Тој од Клиперси доби отказ откако екипата доживеа елиминација од Денвер нагетс во плеј-офот иако неговиот тим водеше со 3:1 во победи.
Од друга страна, Филаделфија исто така разочара во плеј-офот, испаднаа уште во првата рунда иако беа еден од фаворитите за пласман во големото НБА финале, по што цехот за неуспехот го плати тренерот Брет Браун.
Риверс во новиот тим ќе смета на НБА ѕвездите Џоел Ембид и Бен Симонс, а исто така повторно ќе работи со Тобајас Херис на кого му беше тренер во ЛА клиперс.
Welcome to the city of Brotherly Love Coach @DocRivers !!!! Excited for the future and what we’re building here #PhillyForever
— Joel “Troel” Embiid (@JoelEmbiid) October 1, 2020
Другите кандидати за клупата на Филалдефија беа Мајк Дантони кој доби отказ во Хјустон и Тајрон Лу, но откако Риверс стана слободен на пазарот, челниците на сиксерси експресно се договорија со тренерот кој во 2008 година триумфира во НБА лигата во Бостон селтикс.
