Државната комисија за спречување на корупција се прогласи за ненадлежна, па ја отфрли пријавата на просветниот инспектор Ѓорѓи Илиевски. ДКСК велат дека немаат надлежност во делот за наводното незаконско унапредување на тројцата државни функционери Сафет Емрули, Арбер Адеми и Агим Нухиу.

По жалбата на Илиевски за деградирање на работното место, и комисијата за Агенцијата на администрација за одлучување по жалби и приговори на административните службеници исто така се прогласи за ненадлежна.

Според пишувањата во некои медиуми, ДКСК утврдиле дека има судир на интереси при вршењето на вондредниот испекциски надзор, но ќе отворат нова постапка и ќе проверуваат дали има судир на интереси по однос на одредени одредби во Законот за високо образование.