Јавното обвинителство отвори предмет врз основа на извештајот на Државниот завод за ревизија за Општина Охрид, во кој се констатирани сериозни неправилности, меѓу кои и нелегална изградба на хотели и на згради, недонесени урбанистички планови и пропусти во финансиското работење.

Од Јавното обвинителство информираат дека ревизорскиот извештај, доставен на 19 декември 2025 година, е препратен до Основното јавно обвинителство во Охрид, каде што е формиран предмет и веќе се спроведуваат проверки.

Ревизијата покажала дека Општина Охрид нема усвоено урбанистички планови за 20 населени места, а во дел од нив биле реализирани градежни активности за индивидуално домување и за хотелски комплекс без платен надомест за уредување на градежното земјиште и без соодветни дозволи за градба.

Во Липково не се знае кој пие, а кој плаќа – даноци не се наплаќаат, улици се градат без дозвола, водоводот не функционира