Управата на Динамо Загреб за која настапува и македонскиот репрезентативец, Аријан Адеми, се одлучи на радикален потег, го отпушти стручниот штаб, а засега од „мелта“ се спаси само главниот тренер Ненад Бјелица.

Денеска отказ добија Рене Помс, Нино Буле, Силвио Чавлина, Мартин Мајер, Карло Реинхолц и Јасмин Османовиќ бидејќи не сакаа да ја прифатат одлуката на управата за намалување на платата.

Хрватскиот тим вчера донесе одлука на сите играчи да им бидат намалени платите за 30 проценти, а на ова се согласија сите луѓе луѓе во администрацијата како и играчите и тренерите од Б-тимот.

Фудбалерите на првиот тим чиј капитен е токму Адеми, ја одбија оваа одлука иако се најплатени во Хрватска. Според хрватските медиуми,платата на тренерот Бјелица изнесува 1.5 милиони евра, најдоброплатен фудбалер е Марио Гавраниќ со 800.000 евра, додека Адеми заработува 600.000 евра.

Поради нивното одбивање да им се намалат платите во време кога поради коронавирусот не се игра фудбал, наиде на осуда од хрватската јавност, но играчите добија поддршка од навивачите „Бед блу бојси“.