Димитријевиќ во Топ 3 најдобри стрелци на мечот против Реал Мадрид

Ненад Димитријевиќ постигна 12 поени во поразот на Валенсија против „кралевите“/Фото: instagram.com/nenodimitrijevic

Денеска во рамките од петтото коло во најсилната шпанска лига составот на Валенсија загуби од Реал Мадрид со 79:93.

Во одредени периоди од првото полувреме екипата на Пенароја имаше позитива, држеше егал и во третата четвртина, но во последната гостите беа поминантни и завршните 10 минути ги добија во своја корист со 19:29 што беше и клучно за ваквиот убедлив триумф.

Нов настап имаше македонскиот плејмејкер Ненад Димитријевиќ кој беше трет стрелец кај домаќините со 12 поени, додаде и четири асистенции.

Поефикасни од него беа Исланѓанецот Хермансон со 20 поени и интернационалецот од Куба, Риверо со 15. За „кралевите“ доминираше Фернандез со 12 поени.

Ова е веќе трет пораз за Валенсија во пет одиграни мечеви, моментно има четири бодови на 10 позиција, шест помалку од водечкиот Реал Мадрид кој не знае за пораз.

– Магдевски продолжува со одличните игри во Романија

По „трипл-дабл“ ефектот кој го имаше во изминатото коло од шампионатот на Романија, вечерва, репрезентативниот бек Андреј Магдевски одигра нова солидна партија во убедливата гостинска победа над Мијеркуреја Чук (89:63).

Магдевски одигра нецели 22 минути на овој меч. Постигна осум поени, надополнети со четири скока и три асистенции. Доволно за трета победа во серија, и делба на првата позиција заедно со екипата на Питешти.

Видео на денот