Џордан го избра најдоброто забивање во историјата на „Ол-Стар“ викенд (ВИДЕО)
Легендарниот НБА кошаркар вели дека беше импресиониран од тоа што го направи поранешниот играч на Торонто Репторс пред 20 години.
Сите со нетрпение го очекуваат можеби најинтересниот дел од НБА „Ол-Стар“ викендите, после натпреварот помеѓу „Ѕвездите во подем“ следува вториот дел од спектаклот во Чикаго.
Големо внимание привлекуваат натпреварувањата во брзото шутирање на тројки и во забивање, а новата кошаркарска вечер ја најави најголемиот на сите времиња, Мајкл Џордан.
Тој најдобро знае како играч може да стекне име со добра изведба во забивање. Џордан двапати беше победник во натпреварувањето во забивање кога со своите атрактивни потези го одушеви кошаркарскиот свет во 1987 и 1988 година.
Celebrating #BatmanDay with Michael Keaton’s reaction to Vince Carter’s elbow dunk. pic.twitter.com/TYt73FWzm1
— Ballislife.com (@Ballislife) September 21, 2019
„Летечкиот“ Мајк доби прашање од „Стар Трибун“ кое е најдоброто забивање во историјата на „Ол-Стар“ викендите, очекуваа да се пофали и истакне со своето култно забивање од линијата за слободни фрлања, но тој го одвои Винс Картер, со неговиот лакт во обрачот.
Џордан говори за натпреварувањето во 2000. година кога триумфираше Картер кој моментно има 43 години и сеуште е активен во НБА лигата бранејќи ги боите на Атланта Хокс.
