„Ѕвезди во подем“: Американците подобри од Светот, Мајлс Бриџс МВП! (ВИДЕО)
Ова беше шестипат да се игра во ваков формат, а после втората победа по ред на домашниот тим, сега резултатот е израмнет на 3:3.
Екипата составена од играчи родени во Соединетите Американски Држави доцна синоќа убедливо ја совлада селекцијата на Светот со резултат 151:131 во натпреварот на „Ѕвездите во подем“ со кој започма НБА Ол-стар викендот во Чикаго.
За најкорисен играч (МВП) беше прогласен играчот на Шарлот, Мајлс Бриџс (21) кој дуелот го заврши со 20 поени (8/12 од игра, 3/7 за три, 1/2 од слободните фрлања), додаде по пет скока и асистенции, три украдени топки за 20 минути на паркетот.
USA Team wins and Miles Bridges receives the #NBARisingStars MVP! #NBAAllStar pic.twitter.com/7be4Z11sdX
— 2020 NBA All-Star (@NBAAllStar) February 15, 2020
Овој млад кошаркар во 2018. година беше 12. „пик“ на Лос Анџелес Клиперс, но веднаш „трејдуван“, односно испратен во Хорнетс.
Уште седум членови на американската селекција имаа двоцифрен учинок, од нив најдобро се одвои Ерик Паскал со 23 поени.
На спротивната страна најдобри беа Канаѓаните Ер Џеј Берет (трет „пик“ во 2019) со 27 и Брендон Кларк со 22 поени.
Zion with the RIGHT. ??#NBARisingStars on TNT pic.twitter.com/aamyZ69xM9
— NBA (@NBA) February 15, 2020
Словенецот Лука Дончиќ запиша 16 поени, вклучувајќи и тројка од својата половина во последната секунда на првото полувреме.
Ова беше шестипат да се игра во ваков формат, а после втората победа по ред на домашниот тим, сега резултатот е израмнет на 3:3.
?? L U K A ??#NBARisingStars on TNT pic.twitter.com/W5uFWx14tM
— NBA (@NBA) February 15, 2020
В недела во утринските часови на програмата е брзото шутирање на тројки, потоа ќе следува натпреварувањето во забивање, а в понеделник спектаклот завршува со дуелот меѓу на „Тимот на Јанис“ и „Тимот на Леброн“.