Тили Адамс (11) од Лондон е едно од 117.000 деца под 16 години, кои се борат долгите последици на ковид во Велика Британија, пишува британски Мирор.

Во последната година таа помина неколку недели во болница и постојано отсуствува од училиште бидејќи е премногу слаба и болна за да оди на настава.

Таа во последната година брзо ослабе, а има потешкотии и во конзумирањето храна. Сите нејзини проблеми започнаа минатиот јануари кога се зарази со коронавирусот.

Откако со месеци се бореше со тешки симптоми на коронавирусот, лекарите и рекоа дека има долг ковид синдром.

Тили од лето користи специјална цевка преку која во телото внесува потребни минерали.

Синдромот на долг ковид погодува едно од 200 деца на возраст под 11 години, додека се верува дека 1,87 отсто од децата на возраст меѓу 12 и 18 години страдаат од оваа болест.

За Тили секојдневните активности се голем товар и едвај издржува качување по скали, а во последните неколку месеци неколку пати губела свест.

– Понекогаш сум многу лута, сакам да одам на училиште, но понекогаш ми е навистина тешко. „Некои денови се чувствувам многу лошо и уморно“, изјави Тили.

 

View this post on Instagram

 

A post shared by Tillie (@tilliesjourney)