Деветмина ученици се уапсени во Хонг Конг под обвинение за тероризам
Вкупно девет лица, меѓу кои и шест ученици, се уапсени во Хонг Конг под обвинение за заговор за терористички активности.
Полицијата на Хонг Конг денеска соопшти дека се уапсени пет мажи и четири жени на возраст од 15 до 39 години.
Во соопштението се вели дека тие се уапсени под сомнение за „заговор за планирање терористички активности со намера да предизвикаат сериозна социјална штета”.
За време на видео-конференција, претставници на полицијата изјавија дека деветмината планирале да користат експлозив за да ги нападнат судовите во Хонг Конг, тунелот под пристаништето и железнички станици.
Полицијата соопшти дека при рација е пронајдена лабораторија за експлозив во хотелска соба во една од најпопуларните трговски области во Хонг Конг.
Откриена е и заштитна опрема, воздушни пиштоли и комуникациска опрема.
Детективите сметаат дека уапсените се од самопрогласена револуционерна група која се нарекува „Враќајќи се храбри”