Деветмина уапсени е билансот по жестока групна тепачка што се случила ноќеска на „Осломешка крстосница“ во Кичево, а во која биле употребени ножеви и дрвени предмети, соопшти МВР.

„На 09.04.2026 во 03:40 часот во Кичево, полициски службеници од ОВР Кичево ги лишија од слобода Д.А.(20) од Прилеп, С.Џ.(27) од Прилеп, С.Џ.(19) од Прилеп, Д.Р.(31) од Прилеп, Д.М.(18) од Битола, Е.М.(26) од Битола, М.Х.(22) од Битола, Ј.Х.(19) од Битола и Р.Х.(34) од Кичево. Тие се сомничат дека во 01:30 часот на Осломешка крстосница го нарушиле јавниот ред и мир со меѓусебна физичка пресметка, при што биле употребени дрвени предмети и ножеви и притоа со расекотини и повреди се здобиле две лица. По целосно расчистување и документирање на случајот, против лицата ќе бидат поднесени соодветни пријави“, пишува во полицискиот билтен.

Кумановец мавтал со нож и пиштол на договорена тепачка и пак завршил натепан од тинејџер