Една од пожешките теми во НБА во изминативе денови беше инцидентот меѓу Лука Дончиќ и германскиот кошаркар Денис Шрудер, кој веќе беше санкциониран со суспензија од три натпревари.

Во меѓувреме, во јавноста излегоа и дополнителни детали за конфликтот меѓу двете големи ѕвезди. За време на натпреварот, ТВ-камерите во повеќе наврати ги уловија Дончиќ и Шрудер како разменуваат навреди на паркетот, што всушност беше продолжение на тензичниот однос од нивниот претходен дуел.

Очигледно, словенечкиот ас успеал целосно да го испровоцира Шрудер, кој ја изгубил контролата откако Дончиќ му дофрлил: „Требаше да го потпишеш тој договор“.

The altercation after the Lakers-Kings game between Dennis Schroder and Luka Doncic 😳

– Schroder told Luka that he can’t call him a “b**ch” on the court and pretend everything is fine off the court
– Schroder attempted to strike Luka, according to the NBA
– Deandre Ayton tried… pic.twitter.com/BUCBAhrHBj

— Legion Hoops (@LegionHoops) January 11, 2026

Со тоа, Лука алудираше на потегот што често се споменува како еден од најлошите деловни потези во НБА, одбивањето на понудата од 84 милиони долари од Лејкерс пред пет години, по што Шрудер на крајот прифати договор од само шест милиони долари со Бостон.

Германецот бил видно бесен поради ваквите провокации, па по завршувањето на натпреварот одлучил да го побара Дончиќ во арената. Според информациите, Шрудер речиси 40 минути чекал пред соблекувалната со намера физички да се пресмета со словенечкиот кошаркар.

Кога Дончиќ конечно се појавил, Шрудер му пришол и, според официјалното соопштение на НБА лигата, се обидел физички да го нападне, што беше и главната причина за суспензијата од три натпревари.