Дерби-дуелот од второто коло од Првата македонска кошаркарска лига е закажан денеска од 20.30 часот во Битола помеѓу Пелистер и Работнички во салата „Боро Чурлевски“.

Битолчани имаат нов тренер Дарко Радуловиќ кој дојде на местото на Марјан Илиевски. Радуловиќ на крајот од минатата сезона ја заврши соработката со унгарскиот прволигаш Нирегихаза. Претходно го водеше Башкими во косовското првенство, а во меѓувреме имал неколку понуди од Европа и Блискиот Исток. За Радуловиќ ова ќе биде враќање во македонската кошарка по пауза од 20 месеци.

Покрај домашните обврски, идната недела ќе го води Пелистер на првиот АБА 2 турнир.

Прва кошаркарска лига, второ коло

МЗТ Скопје Аеродром – Гостивар 85:59

Сабота
13.30 часот: ТФТ – Чаир 2030
18.00 часот: Охрид – Академија ФМП
20.30 часот: Пелистер – Работнички

8 октомври (недела)
18.00 часот: Еуро Никел 2005 – Кожув

9 октомври (понеделник)
18.00 часот: Феникс 2010 – Вардар

Табела: МЗТ Скопје Аеродром 4 бодови, Гостивар 3, Еуро Никел 2, Чаир 2030 2, Вардар 2, Охрид 1, Пелистер 1, ТФТ Скопје 1, Феникс 2010 1, Кожув 1, ФМП Академија 1.