Поради изведување градежни активности сообраќајот на магистралниот пат А3, делница Подмоље – раскрсница Мислешево (Еуротел), денеска во периодот од 08:00 до 17:00 часот ќе биде затворен.

Сообраќајот ќе биде пренасочен по регионалниот пат Р1208 на делница Струга – Охрид.

Сообраќајот на државните патишта се одвива по наместа влажни коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.