На денешната прес конференција новиот извршен директор на РК Вардар 1961, Борко Ристовски потврди дека клубот ќе го напушти левото крило Дејан Манасков.

А покрај Манасков, од претходно е познато дека со „црвено-црните“ се разделија Филип Талески кој ја засили Бенфика и Куни Моралес кој ќе игра за ППД Загреб.

Борко Ристовски и Стојанче Стоилов ги завршија професионалните кариери, а клубот го напуштија и Дутра Фереира и Андреј Добрковиќ.

Се очекува замената за Манасков на позицијата лево крило ќе биде новото засилување од Металопластика Шабац, Марко Срдановиќ.

Потврдено е дека нови играчи на клубот се и Матија Николиќ, Јапонецот Косуке Јасухира, Стефан Петриќ и Нилтон Мело и Ансер Родригез.

На голманската позиција се Мартин Томовски, Васил Гогов, леви крила Марко Срдановиќ и Марио Стојановски, леви бекови Марко Мишевски, Стефан Петриќ, Нилтон Мело и Ансер Родригез, потоа средни бекови Косуке Јасухира, Мартин Карапалевски и Матија Николиќ, засега единствен десен бек е Томислав Јагуриновски, десни крила се Гоце Георгиевски, Дарко Ѓукиќ и Ален Ќосевски, и пикери Стефан Атанасовски, Милан Лазаревски и Михаил Аларов.