Дејан Илиев по потписот за Сараево на Босанците им раскажа за соработката со Арсен Венгер и Петар Чех
Дејан Илиев некогаш беше голманска надеж на Арсенал, но неговата кариера подоцна не се развиваше во насока на која се очекуваше, а од неодамна е нов голман на ФК Сараево од Босна каде што дојде од фински Хелински.
По пристигнувањето во Босна, Илиев одговараше на прашања од новинарите, а интересно е што имаше голем интерес за периодот кој го помина во Арсенал, иако тоа беше одамна.
Илиев објасни како работите се случиле многу брзо и одеднаш од Македонија имал можност да работи со човек како Арсен Венгер.
„Работите се случија многу брзо. Бев во Македонија, а потоа за ден-два се најдов во Лондон. Тренирав во Академијата, а потоа ме префрлија во првиот тим. Тоа беше шок за мене. Горев од желба да се докажам и да бидам уште подобар бидејќи не е лесно да стигнете до таква можност. Венгер на секој тренинг бараше да бидеме на највисоко ниво и да даваме се од себе. Моравме да внимаваме на сите детали“, изјави Илиев.
Илиев доби прашање да го избере најголемиот голман со кого соработувал, а се одлучи за славниот Петар Чех.
„Во Арсенал имав можност да учам од многу добри голмани, тешко е да се избере. Мој идол уште детството беше Петар Чех, го анализирав и следев многу време. Кога дојде во клубот добро се дружевме и разговаравме. Станува збор за интелигентен човек кој сака да напредува и учи“, истакна Илиев.