Манчестер сити оствари убедлив триумф во првиот натпревар од Премиер лигата по тримесечна пауза. „Граѓаните“ со 3:0 го совладаа Арсенал, а големи заслуги во триумфот има дефанзивецот на „топчиите“, Давид Луиз.

Фудбалерите на Сити беа подобар противник уште од самиот почеток, додека играчите на Арсенал ги следеа малери уште од првата минута. Веќе во шестата минута се повреди Џака, додека во 22. минута се повреди и Мари на чие место влезе Давид Луиз кој е „главен“ виновник за поразот.

Во судиското продолжение од првото полувреме направи кардинална грешка со што му овозможи на Рахим Стерлинг да му донесе водство на Манчестер сити.

На стартот од второто полувреме, Луиз заработи црвен картон, а Кевин де Брујне го зголеми водството со прецизниот удар од белата точка.

Конечниот резултат го постави Фил Фоден во 90. минута.