Давид Бабунски останува во Унгарија, одбиени понудите од Полска и италијанската Серија Б
Давид Бабунски останува верен на Мезоковешд, македонскиот фудбалер официјално го продолжи договорот на две и ипол години.
Како што информираат од Мезоковешд, иако нашиот 28-годишен играч за врска во нападот имаше понуди од Полска и италијанската Серија Б, одлучи и натаму да ги брани боите на унгарскиот клуб.
Во есенскиот дел сезонава во тамошната најсилна лига Бабунски запиша осум настапи, а запиша и еден настап во Купот на Унгарија.
До сега 13 пати го носеше дресот на најдобрата македонска репрезентација, а на клупски беше дел и од Барселона Б, Црвена звезда, Јокохама Ф. Маринос, Омија Ардија, Ботошани, Вииторул Констанца и Дебрецен.
Моментно во најсилната унгарска лига Мезоковешд е на деветтата позиција со 16 бодови и се очекува до крајот на сезоната да води борба за опстанок во елитата. За Мезоковешд игра и 25-годишниот напаѓач Ремзифаик Селмани.
