Кошаркарскиот клуб Работнички АД Скопје ја известува јавноста дека Дарин Говенс е нов играч на екипата, воедно и едно од најголемите засилувања за сезоната 2026/27.

Американецот Говенс зад себе има богата интернационална кариера, настапувајќи во првенствата на Исланд, Израел, Грција, Унгарија, Белорусија, Русија, Франција и Македонија, а во Работнички пристигнува од редовите на ТФТ Скопје.

Во својата кариера беше прогласен за најкорисен играч (МВП) на унгарската лига (2017), ја освои шампионската титула во Унгарија (2019) и настапуваше за репрезентацијата на Унгарија.

Во минатата сезона на 26 одиграни средби просечно бележеше 11,3 поени, 3,2 скокови и 4,7 асистенции по натпревар.

Висок 185 см, настапува на позицијата плејмејкер, покрај тоа ја покрива и позицијата бек шутер. Важи за искусен организатор на играта, одличен шутер и вистински лидер на теренот.

Најтрофејниот кошаркарски клуб во Македонија избра нов извршен директор