ФОТО | Ева Величковска ќе ја претставува Македонија на изборот за Мис на светот 2026
20-годишната Ева Величковска е новата претставничка на Македонија на престижниот избор за Мис на светот 2026, кој годинава ќе се одржи во Виетнам.
Препорачано
Веста ја соопштија од организацијата „Мис Македонија“, носител на лиценцата за националниот избор, преку објава на социјалните мрежи. Заедно со фотографија од Величковска во елегантен црвен свечен фустан, ѝ посакаа успешна подготовка и достојно претставување на земјата на светската сцена.
„Патот до Мис на светот 2026 започнува! Со гордост ја најавуваме нашата претставничка, Ева Величковска, која ќе ја претставува Македонија на најпрестижниот светски избор за убавина – Мис на светот 2026, што ќе се одржи во Виетнам. Ти посакуваме успех, инспиративно патување и блескав настап на светската сцена!“, стои во објавата.
Величковска има 20 години и е студентка на Славјанскиот универзитет во Скопје. Таа годинава ќе ја преземе улогата од минатогодишната македонска претставничка Чарна Невзати, која остави позитивен впечаток со својот настап.
На социјалните мрежи, новата македонска претставничка веќе добива бројни честитки и зборови на поддршка. Следбениците ја опишуваат како природна убавица и ѝ посакуваат успех на претстојниот избор.
Според нејзините објави на Инстаграм, Величковска е љубителка на патувањата, а често споделува фотографии од своите патувања, летни моменти и модни комбинации, меѓу кои и креации од домашен моден бренд.
Интервју со Чарна Невзати, Мис на Македонија: Изборот Мис на светот во Индија ме направи посилна
