Данска забрани издвојување на средства за финансиска поддршка поради кризата предизвикана од пандемијата со ковид – 19 за компаниите кои се регистрирани во „даночните оази“.

Откако земјата потроши милијарди евра за да им помогне на компаниите што бележат значителен пад на приходите поради мерките, во саботата најави нов пакет економски мерки во висина од 13 милијарди евра.

На листата, за која службените лица во Данска тврдат дека не е сеопфатна, се наоѓаат 12 земји со ниски или без даночни стапки, вклучувајќи ги Панама, Сејшели и Кајмански Острови.

Вкупниот износ што Данска го издвои за помош на економијата изнесува 400 милијарди дански круни, односно околу 53 милијарди евра.