Босанскиот фудбалски клуб Борац Бања Лука објави дека е продолжена соработката со македонскиот репрезентативен голман Дамјан Шишковски.

Шишковски одлучи да потпише нов договор според кој ќе остане до лето 2027 година.

Досега има 23 настапи во сите натпреварувања за клубот, и со одбранет пенал во Елбасан против Егнација, го водеше тимот до пласман во втората рунда од квалификациите за Лигата на шампионите.

Пред три дена го прослави 31 роденден, чуварот на мрежата дојде во БиХ во 2024 година од редовите на ерменскиот Арарат. Претходно ги бранеше боите на Докса, Работнички, Ропс, Лахти и Гент.

Шишковски е меѓу повиканите во нашата А репрезентација за претстојниот бараж натпревар за СП 2026 против Данска во Копенхаген на 26 март.

Победникот на 31 март ќе игра финале за учество на Мундијалот против подобриот од мечот Чешка – Република Ирска, а поразените истиот ден ќе играат пријателски натпревар.