Истражувањата покажуваат дека прегратката го зголемува нивото на окситоцин – хормон на поврзаност и доверба – и ја намалува напнатоста и стресот во телото. Психолозите истакнуваат дека редовните прегратки можат да го подобрат расположението, да ги зајакнат меѓучовечките односи и да создадат чувство на сигурност и емоционална стабилност.

Затоа, следниот пат кога ќе прегрнете драга личност не брзајте. Дури и 20 секунди може да направат голема разлика!

Иако изгледа како обичен знак на внимание или блискост, стручњаците посочуваат дека прегратка која трае најмалку 20 секунди може значително да ја намали напнатоста во телото, пишува „Сајколоџи тудеј“.

За време на прегратка, во организмот се лачи хормонот окситоцин, познат како хормон на поврзаноста и довербата. Тој помага во намалување на нивото на стрес, го снижува крвниот притисок и придонесува за чувство на сигурност и смиреност. Токму затоа, подолгите прегратки имаат посилен ефект отколку кратките, минливи допири.

Психолозите истакнуваат дека редовните прегратки можат да го подобрат расположението, да ги зајакнат меѓучовечките односи и да помогнат во справување со анксиозноста и напнатоста. Тие создаваат чувство на припадност и емоционална стабилност, што е особено важно во тешки и предизвикувачки периоди.

Во свет во кој сè почесто комуницираме преку екрани, прегратката останува еден од најискрените и најприродните начини да покажеме блискост и поддршка.