Реализацијата на фасцинантната визија за иднината во која сончевата енергија се собира во вселената и се пренесува на Земјата, како револуционерен начин за искористување на чистата енергија и решавање на итни еколошки прашања, воопшто не е далеку. Всушност, тоа е веќе планирано за 2035 година. Иако можеби и денес звучи како научна фантастика, доколку Европската вселенска агенција продолжи со својот план, Европа еден ден би можела да се напојува со џиновски лебдечки соларни панели кои орбитираат околу Земјата. Технологијата сè уште е во фаза на прелиминарно тестирање, но крајната цел е да се лансира соларна вселенска фарма долга два километри која би орбитирала 36.000 километри над Земјата и би произведувала сончева енергија колку една нуклеарна централа или – дури шест милиони соларни панели на земјата!

-Таквиот проект ќе обезбеди Европа да стане клучен играч – и потенцијално лидер – во меѓународната трка кон скалабилни решенија за чиста енергија за ублажување на климатските промени – се вели во соопштението на ЕСА. Според извештаите, 600 сателити ќе обезбедат 20 проценти од енергетските потреби на Земјата, стои во планот на технолошката компанија Спејс Солар, пренесува Блик Бизнис.