Преслатко видео од својот син Киан објави поп-пејачката Антониа Гиговска. Киан, кој лани во јули наполни две години, на свој оргинален и детски начин ѝ дава подарок на мајка му.

„Фала ти. Ти ми го направи ова? А, зошто го направи, некој празник е?“, го прашува Антониа синот, а тој одговара дека е 8. Март.
„Да, и уште нешто купив. Тоа е за децата, не е за мајките“, вели малиот Киан и покажува сликовница за деца.

„А цвеќе ќе ми купиш?“, го прашува Антониа синот а тој ѝ одговара: „Да. Ќе ѝ купам и на Ника“.

Разговорот завршува со бакнеж и со честитка за 8.Март од Киан за Антониа.

Минатото лето, по успешна концертна сезона, пејачката Антониа Гиговска заедно со сопругот, музичарот Роберт Спасенцовски, и нивниот син Киан заминаа на летен одмор во Грција. Семејството ужива во раскошен ресорт на Халкидики, каде што се препуштени на вистинско уживање.

Сместени во ресорт со базен, палми и бројни содржини за најмалите, Антоиа блеска во зелени бикини и со долги розови нокти, додека Роберт гордо позира со својот наследник.

Во една прилика, за „Слпбоден печат“, Антониа ја раскажа љубовната приказна со сопругот кој е пејач.

-Нашата љубов беше спонтана. Беше еден допир и очи што искрено се погледнаа. На вистинско место, во вистинско време. Мојата приказна е многу едноставна. Секој може да те нападне за да се одбрани сам себе, меѓутоа верувам дека секој си ги знае своите грешки и сметам дека сите сме на местото каде што треба да бидеме. Ништо повеќе, ништо помалку. Јас дозволив секој да си скрои приказна каква нему најмногу му одговара и молчев, а која е вистината на целата таа приказна, знаат само оние што биле во неа – рече пејачката.