Да го испратиме летото и неговите вкусови: Менемен – турски специјалитет за доручек или ручек
Менемен е традиционално турско јадење направено од домати и пиперки, приготвено на сличен начин како што правиме летна манџа со јајца. Во зависност од вкусовите, може да додадете сирење или суџук. Често се јаде за појадок, а ако се подготвува за ручек, вообичаено е да се додаде кромид.
Состојки:
– 4 јајца
– парче корен од ѓумбир
– 4 чешниња лук
– 1 кромид
– 2 големи домати
– 1/2 чаша сос од домати
– 1/2 лута пиперка
– 1/2 пиперка
– 2 лажички мелена пиперка
– 1/2 лажичка оригано
– сол, бибер, маслиново масло, власец
Подготовка:
Избланширајте ги доматите и излупете ги. Загрејте го маслото во тава, додадете го сечканиот лук и ѓумбир и пржете додека не омекнат, а потоа додадете го исечканиот кромид. Кога ќе стане проѕирен, додадете ги пиперките. Додадете ги исечените домати и оставете две минути, а потоа додадете доматно пире и други зачини освен власец. Кога ќе бидат готови доматите, скршете по едно јајце во тавата и по десетина секунди нежно измешајте ги во смесата. Послужете со власец.
