Се согласувам и тврдам дека дел од 25.500 досега регистрирани, се лажно позитивни, само контаминирани и колонизирани со вирусот, ама не и болни, ама од друга страна има и огромен број на вистински заболени кои не се тестираат, кријат, лажат, се лечат од “настинки” по приватни ординации итн, вели доктор Нико Беќаровски, научен советник и раководител на интензивна нега на Универзитетската клиника за токсикологија.

-Ајде да тргнеме од параметарот леталитет. Во МКД за жал до денес починаа 874 пациенти од Ковид. Ако го прифатиме општо прифатениот процент за леталитет од SarsCov-2, односно 1-3%, бројот на досега вистински заболени би се движел меѓу 27.000- 87.000, што е многу поголем од тој што сме го откриле. Ако во последните 14 дена имаме 103 починати, во моментов реално имаме 3.000 – 10.000 вистински болни. Звучи страшно, нели, ама e реално- напиша на Фејсбук Беќаровски.

Ако ја примениме математиката на Вело Марковски, вели д-р Беќаровски, кој тврди дека смртноста од вирусот е 0.15% бројот на досега заболени во Мк би бил преку 1.000.000. И на крајот, ако веќе десетина дена бројот на позитивни е околу 1/5 од тестираните, моменталната опфатеност е околу 400.000.

Денешната статистика на министерството за здравство е вистински аларм за сите граѓани. Во последните 24 часа се направени 2688 тестирања, а регистрирани се 641 нови случаи на ковид-19, дванаесет лица за жал ја загубија битката со коронаворусот.

Рушиме рекорди: Дванаесет лица починаа, нови 641 пациент заразени со ковид-19