Црвена звезда си најде тренер, Јовановиќ е наследникот на Радоњиќ
Владимир Јовановиќ е нов тренер на екипата на Црвена звезда, потврди управата на српскиот и шампионот на АБА лигата.
Тој доаѓа на местото на Дејан Радоњиќ кој по триумфот во АБА лигата и во српскиот шампионат ги напушти „црвено-белите“ и потпиша двегодишен договор со Панатинаикос.
Јовановиќ е без ангажман од јануари годинава кога си замина од Цибона, но исто така е селектор на репрезентацијата на Србија до 20 година која од 16 до 24 јули ќе настапи на Европското првенство во Црна Гора.
Jedan od najtalentovanijih trenera mlađe generacije iz Srbije, potpisao je u petak trogodišnji ugovor sa Crvenom zvezdom! Dobro došao! 🔴⚪️
Detaljnije: https://t.co/yO3hCmSkQ2#kkcz #TogetherWeCan #WeAreTheTeam pic.twitter.com/fnBNRgErys
— KK Crvena zvezda mts (@kkcrvenazvezda) July 8, 2022
Тој тренерската кариера ја започна како асистент во ФМП, за во 2016 година да биде тренер на младинскиот тим на Црвена звезда.
Потоа се врати во ФМП каде стана тренер на првиот тим и во Железник се задржа три сезони по што се пресели во Цибона.
– Влада Јовановиќ се докажа како тренер во претходниот период, а именувањето на прв тренер на КК Црвена звезда е нареден чекор и предизвик во кој се очекува д ги покаже тренерските квалитети и потенцијал – соопшти Црвена звезда.
