Кошаркарите на МЗТ Скопје новата сезона во АБА лигата ја започнаа со пораз од Црвена Звезда на гостински терен со 67:87. Поразот за клубот од Аеродром и беше очекуван затоа што против себе го имаа актуелниот шампион во регионалното натпреварување.

Црвена Звезда натпреварот го реши во втората четвртина од натпреварот која противникот ја доби со 26:13 со што се одлепи на убедливи плус 17 и на паузата од полувремето замина со 39:22.

Третиот период од натпреварот ја донесе и највисоката предност на Црвена Звезда од +27 до која стигнаа со серија од 14:2, меѓутоа ниту тоа не ги откажа кошаркарите на македонскиот шампион. Следуваат неколку тројки со која разликата се намали на 20 поени.

Последната четвртина донесе изедначена кошарка во која и двете екипи наизменично поентираа, па конечниот резултат гласеше 87:67.

Војдан Стојановски со 17 поени беше најефикасниот кај МЗТ,  Бојан Крстевски додаде 13, а Миќовиќ 12 поени. МЗТ нема да има лесна задача и во второто коло затоа што на домашен терен го пречекува Партизан. Овој натпревар се игра во понеделник од 16:00 часот.