Денеска во рамките од 31 коло во најсилното европско кошаркарско клупско натпреварување, екипата на Црвена звезда триумфираше на домашен терен против Фенербахче со резултат 79:73.

Иако после првото полувреме, турскиот клуб имаше предност од 42:33, српскиот тим успеа да направи целосен пресврт во второто полувреме добивајќи третата и последната четвртина со 28:14 и 18:17.

Најзаслужен за триумфот на белградските „црвено-бели“ беше нигерискиот интернационалец Монеке со 21 поен, следен од неговите сонародници Нвора со 14 поени и Изунду со 13.

На спротивната страна Болдвин запиша 16 поени, а се истакнаа уште двајца Американците, Колсон со 15 поени и Хортон-Такер со 14.

За Црвена звезда ова е 18 победа сезонава во Евролигата за моментно шесто место, позиција која води директно во четвртфиналето.

Актуелниот шампион Фенербахче по осмиот пораз, останува на првото место со учинок (22-8).

Во следното коло на 20 март Црвена звеза ќе гостува кај Панатинаикос, додека Фенербахче три дена порано исто така ќе игра во Грција против Олимпијакос.