Телата на четворицата тинејџери кои биле исчезнати откако заминале на викенд кампување се пронајдени во нивниот превртен автомобил, соопшти во вторникот британската полиција.

Полицијата во Велс соопшти дека телата на момчињата, кои наводно биле на возраст од 16 до 18 години, биле извлечени од автомобилот кој веројатно изелтал од автопатот во близина на Тремадог во Гвинед, северозападен Велс. Возилото било превртено и делумно потонато во вода, соопшти полицијата, пренесува АП.

Претходно била започната потрага по Џевон Хирст, Харви Овен, Вилф Хендерсон и Хуго Морис откако не се вратиле дома во Шропшир, Англија, од ноќното кампување во областа Сноудонија.

„Во моментов, се чини дека ова беше трагична несреќа и нашите мисли се со семејството и пријателите на четворицата млади момчиња во овој многу тежок момент“, рече полицискиот началник Овен Левелин.

Марк Дрејкфорд, првиот министер на Велс, рече дека смртта на момчињата е „погубна вест“.