Изминатиот викенд се одржа најстариот европски меѓународен карате турнир, 55-ти по ред „Златен појас“ во Чачак, Србија. Македонија на овој турнир беше поканета и настапи со 15 спортисти од поширокиот список на сениорската репрезентација.

На турнирот во Чачак имаше силна конкуренција на пријавени официјални репрезентации од 22 држави, од Балканот и Европа.

Каратистите на Макпетрол одлично се претставија на овој регионално најсилен европски карате турнир. Успеаja да освоjат три бронзени медали, иако можеше успехот да биде и поголем.

Добар впечаток остави Петар Заборски (-75кг), кој беше и тренер и спортист на овој турнир, тој имаше вкупно четири победи и еден пораз (0:0), загуби на изјаснување во полуфиналната борба.

Репрезентативките Викторија Јовановска и Јована Мицовска, исто така прикажаа модерен карате пристап и одлична форма. Добар впечаток остави и младиот спортист Андреј Стојчевски (-60кг) од карате клуб Кизаме, кој освои сребрен медал. Спортистите од Данило Божовиќ (-84 кг) и Вукашин Јовановиќ (-67кг) овој пат не успеаја да освојат медали, информираат од карате клуб Макпетрол.

Медали освоија:
1.Петар Заборски (-75 кг),
2.Викторија Јовановска (-68 кг)
3.Јована Мицовска (-61 кг)
4. Андреј Стојчевски (-60 кг)