Челси конечно ја победи Барселона на трансфер пазарот, Аспиликуета останува верен на „сините“
Англискиот премиерлигаш Челси конечно успеа да „ја победи“ Барселона на трансфер пазарот и тоа во битката за сопствениот капитен Сезар Аспиликуета кој одлучи да остане на „Стемфорд бриџ“.
Италијанскиот новинар кој е експерт за фудбалски трансфери, Фабрицио Романо, објави дека Челси успеа да го задржи својот капитен, Сезар Аспиликуета и во наредните две години. Романо објави дека Аспиликуета ќе потпише нов дегодишен договор на големо задоволство на менаџерот Томас Тухел.
Голем интерес за Аспиликуета пројавуваше и Барселона, дури одредени шпански медиуми во изминатиот период објавуваа дека се е договорено и Шпанецот ќе се врати во татковината, но Тухел беше упорен и успеа да го убеди капитенот да остане на „Стемфорд бриџ“.
Аспиликуета во Челси пристигн пред точно десет години од Олимпик Марсеј и со „сините“ освои сè што можеше да освои.
Трофејот во Лигата на шампионите го крена како капитен мнатата година, има две титули во Премиер лигата, два триумфи во Лигата на Европа и по еден триумф во Светското клупско првенство, УЕФА Суперкупот, ФА Купот и Лига Купот на Англија.