Чави одговори дали ќе биде новиот тренер на Барселона
Легендата на клубот вчера имал двочасовен разговор со директорите Абидал и Грау.
По елиминацијата на Барселона во полуфиналето на шпанскиот Суперкуп од Атлетико Марид, веднаш започнаа гласините за експресна смена на тренерот Ернесто Валверде.
Како прв пик на управата на каталонскиот клуб според весникот „Ас“ фигурира името на клупската легенда Чави Ернандез.
Според „Ас“ во текот на вчерашниот ден, спортскиот директор Ерик Абидал и извршниот директор Оскар Грау одлетале во Доха, Катар, каде имаче двочасовен разговор со Чави околу неговото преземање на клупата од Ернесто Валверде. Весникот напоменува дека на Чави му е понуден две ипол годишен договор.
Денеска, по натпреварот од полуфиналето на купот на Катар, во кој тимот на Чави, Ал-Сад со 4:1 го совлада Ал-Рајан, на пресконференцијата одговори дали ќе седне на клупата на Барселона.
– Не постои никаква понуда од Барселона. Се сретнав со Абидал бидејќи тој ми е пријател. Не можам да зборувам за тоа што се случува во Барселона поради респект кон самиот клуб и кон Валверде. Секој знае дека мојот сон е еден ден да бидам тренер на Барселона, но моментно работам во Ал-Сад и целосно сум фокусиран на оваа работа – изјави Чави.