Од Капетанија на пристаништата во Охрид информираат дека стапува во сила владината одлука за ограничување на пловидбата за пловните објекти на Охридското, Преспанското и Дојранското езеро.

Се ограничува пловидбата за чамци и скутери на целата површина на трите најголеми природни македонски езера, а според образложението од Владата, ова се прави заради безбедност на учесниците во пловидбата, човечките животи и животната и/или природната средина.

„По исклучок од ставот 1 на овој член, ограничувањето не се однесува на чамците и скутерите за јавни потреби за вршење инспекциски, царински и полициски надзор, за чамците кои ги користи субјектот на кој му е дадена концесија за стопански рекреативен риболов, како и за чамците за стопански цели – регистрирани за превоз на патници. Ограничувањето од член 1 став 1 од оваа одлука за чамците се однесува за периодот: – од 3 јуни до 31 август 2026 година во времетраење од 21:00 до 5:00 часот секој ден, – од 1 септември до 30 септември 2026 година во времетраење од 20:00 до 6:00 часот секој ден и од 1 октомври до 31 октомври 2026 година во времетраење од 19:00 до 6:00 часот секој ден“, пишува во соопштението.

Ограничувањето од член 1 став 1 од оваа одлука за скутерите се однесува за периодот од 1 јули до 31 август 2026 година во времетраење од 11 до 19 часот секој ден, појаснуваат од Капетанијата.

Сопствениците на кајчиња да ги тргнат од јавни површини долж езерото, повика Општина Охрид