Цената на струјата од 1 јули веројатно ќе се намали, ама не се знае дали ДДВ ќе се зголеми
Цената на електричната енергија се утврдува два пати годишно. На 1 јули треба да се соопшти новата цена за домаќинствата и за малите потрошувачи, но добрата вест е што според најавите на министерот за економија Крешник Бектеши таа нема да се зголеми, туку очекувањата се дека ќе се намали.
Препорачано
– Според производството во домашните капацитети, очекуваме намалување на цената – рече Бектеши на денешната прес конференција посветена на енергетика.
На прашање на „Слободен печат“, дали пак од 1 јули ќе имаме зголемување на данокот на додадена вредност, кој според законската регулатива треба да се промени од 10 проценти на 18 проценти, Бектеши изјави дека за ова се` уште не е разговарано.
– Министерството за економија и Министерството за финансии се уште немаат интерни разговори за данокот на додадена вредност на струјата. Но, можно е во насока на заштита на стандардот на граѓаните, данокот и по први јули да остане 10 проценти – рече Бектеши.
