Бугарија нема да биде подготвена за еврозоната пред јануари 2025 година
Извештајот кој ќе известува дали економските показатели на Бугарија ни дозволуваат да го воведеме еврото, ќе биде готов пролетта 2024 година“, стана јасно од изјавата на потпретседателот на Европската комисија Валдис Домбровскис за ТВ „Нова“, прнесува „Сегабгњус“. Домбровскис рече дека моментално многу високата инфлација е проблем и затоа јануари 2024 година мора да се отфрли како опција.
„Јануари 2025 година е индикативен датум, но мораме да работиме бидејќи инфлацијата ќе се следи 12 месеци наназад. Јас би рекол дека не е многу веројатно дека ќе го исполните овој критериум порано, за да го воведете еврото пред 2025 година. Има и друга работа – земјите традиционално се приклучуваат на еврозоната на 1 јануари. Правилата не исклучуваат друг датум, но од чисто практична гледна точка, приклучувањето на почетокот на годината е попогодно“, објасни тој.
Вршителот на должноста министер за финансии Росица Велкова тврдеше дека е можно Бугарија да влезе во еврозоната во летото следната година. Домбровскис се сеќава дека стравот од инфлација го имал и во Летонија. Во 2014 година, три месеци пред воведувањето на еврото и шест потоа, етикетите имаа две цени – и во локална валута и во евра. Сепак, загриженоста не е оправдана и се известува за минимално зголемување на цената.
Минатата година, пак, Латвија беше меѓу рекордерите по инфлација во Европската унија, потсетува „Нова ТВ“.